Turkey, Nohprah:
Ki shipai ka Ethiopia ki la sam khusnam ïa u khliehduh jong ki nongshna drone jong ka company Baykar ba la ïoh ïa ka khusnam “Medal of Honour” ïa ka jinglah jong u ban ïarap ïa ka tnad air force jong ka ri ha ka por ba don ka thma ba arsnem kum ka thma civil war ha Tigray.
U khliehduh ki shipai ka Ethiopia u la sam ïa kane ka khusnam sha u Haluk Bayraktar ha ka por ba pynlong ïa ka rynsan air force show ha Bishoftu, hajan ka nongbah kaba heh, Addis Ababa.
U Bayraktar u la ong ba “U la sngewnguh shisha ban ïoh ïa kane ka khusnam medal of honour” ba la ai bad sam da kiwei ki ri.
Kine ki drone ki la ïarap shisha ha kane ka thma. Kane ka thma ka la kut noh ha u bnai Naiwieng u snem ba la lah hadien ka jingïasoi peace deal ha South Africa.
Ki jingtip shai shaphang kane ka khusnam ym pat lah ban tip shai hynrei ka kham pher na ka National Medal of Honour ba la ai bad sam da u president jong ka ri.
Ki ri Africa ki ju pyndonkam da ki drone jong ka ri Turkey ban ïakhun pyrshah ïa ki kynhun kieng atiar.
