Khliehriat, Nohprah 20
Ka Charlin Nongtdu ka la long ka nam tam ha ka jing-ialehkai ki kynthei hadien ba la khyrwit hat-trick na ka bynta ban pynlong ïa ka Wapung Combine SC ban khur ïa ka jingjop.
Kane ka nam jop ka la wan hadien ba la lah ban pynliem noh ïa ka Ïongkalooh SC da 7-0 kol ha ka lympung ïalehkai 2nd (L) Mary Tlang Memorial Trophy ba la pynvaid da ka East Jaiñtia Hills District Football Association (EJHDFA) ha ka sngi Balang ha madan phlang plastik Diengshynrum, Khliehriat.
Ka Charlin Nongtdu la ïoh ban thep haduh 4 kol, ïa ki ar kol la thep da ka Aidashisha Shadap bad ïa kawei pat la thep da ka Dawanrimika Rymbai.
Ha kawei pat ka jingïalehkai kaba la long hapdeng ka Dkhiah West SC bad Deinsynshum SC ki la ïasam mar shi point hadien ba kim shym la lah ban pynkhih jar haduh kaba kut ka jingïalehkai.
