Shillong, Nohprah 20
Ka lympung ïalehkai “1st Meghalaya International Open Grandmasters Chess Tournament 2023” ba la pynïaid da ka Meghalaya Chess Association (MCA) ka la poi sha kaba kut ha ka sngi Balang ha SAI Indoor Training Hall kaba don ha NEHU.
Ïa ka nam lahduh ha ka A-Category la rah da u Pantsulaia Levan uba na Georgia na ka bynta ban khur ïa ka khusnam pisa kaba T. 3 lak tam. Ïa ka kyrdan ba-ar la khur da u Aronyak Ghosh (RSPB) uba la ïoh T. 2 lak tam bad ïa ka kyrdan balai la khur da u Ratnakaran K (RLYS) uba la ïoh T. 1.5 lak.
Ïa ka nam lahduh ha ka B-Category la rah da u Rituraj Tamuli na Assam ha kaba u la khur ïa ka khusnam pisa kaba T. 1 lak, ïa ka kyrdan ba-ar la ïoh da u Prashant Kumar Singh na Bihar uba la ïoh T. 75 hajar bad ïa ka kyrdan balai la khur da u Bishishtha Ankesh na Rajasthan ha kaba u la ïohpdiang T. 50 hajar.
Ha kane ka jingïakop la wan ïashim bynta da ki grand master kiba na ki 10 tylli ki ri ka pyrthei kiba kynthup ia kiba na USA, Russia, Bangladesh, Sri Lanka, Egypt, Georgia, Vietnam, Uzbekistan, Nepal bad kumjuh ki nongïalehkai kiba la wan na ki jylla bapher bapher jong ka ri.
Ha ka liang ki nongïa-lehkai jong ka thaiñ shatei lammihngi la rah da ki nongïalehkai kiba la Assam. Kine ki kynthup ïa u Hitarth ratim Burago-hain, Bikramjit Dhar bad u Shyamal Sarkar, kiba la wan ha ka kyrdan ba nyngkong, ba-ar bad balai.
Ha ka ka liang ki Veteran (60+) la rah da u Chouhan N.C na ka West Bengal, ba-ar u Purna-nanda Buragohain (Assam) bad balai u Ashish Seal (West Bengal).
Ha ka liang ki nongïalehkai kiba hapoh 9 snem ka rta, la rah da u Adrush Karmakar (Tri-pura), ba-ar u Monodeep Dhar (Assam) bad balai u Hriday Garg (delhi).
Ha ka Under-12 la rah da u Debarati Dey na ka jylla Assam, ba-ar u Ashu -tosh Buragohain (Assam) bad balai u Niranjana Nandq (West Bengal). Ha ka Under-15 la rah da u Samarth Kumar Arora (Maharashtra), ba-ar u Dev Goyal (Assam) bad balai u Radharanjan Chakravarty (Meghalaya)
Ha ka liang ki kynthei la rah da ka Lasani H Kothari (Delhi), ba-ar la ïoh da ka Shivani Chhabra Ashiya Sultana bad balai la khur da ka Ashiya Sultana (Bangladesh).
Haba phai sha ki nongïalehkai ka Jylla ha ka U-10 la khur jingjop da ka Cheaha Nikgame Momin, ba-ar ka Advitiya AG bad balai ka Shlok Kishor Jadhva. Ha ka U-15 la khur jingjop da u Yash Gange, ba-ar u Chongkim -bea M Sangma bad balai u Mayukh Sah. Ha ka liang ki kynthei la jop da ka Iarilyne Diengdoh bad ba-ar ka Aitilyne Diengdoh.
Ïa ki khusnam sha kine ki nongjop la sam da u Myntri Rangbah ka Jylla u Conrad K. Sangma, kumjuh u Myntri ka tnat ïalehkai u Bah Shakliar Warjri, u Dr. Sanjay Kapoor, President ka All India Chess Federation, kumjuh u President ka MCA u Bah K. M. Warjri bad kiwei.
