Haflong, Nohprah:
Ka Haflong Haphai Awareness Hosom ka seng kaba dang shu thaw thymmai ka don jingthmu na ka bynta ban trei ha ka liang ka saiñ hima bad kumjuh na ka bynta ban pynïoh jingmyntoi sha ki paidbah ba bun jong ka Haflong ka la buh ka jingkyrpad ban ai jingkyrshan ïa u kyrtong jong ka seng BJP na Haflong konstitwensi naba ym shym la don uwei ruh u dkhot na ka Haflong konstitwensi u ban shah kynthup hapoh ka Executive Committee ha ki 10 snem ba la leit ha kaba kane ka la pynduh mynsiem ïa ki briew jong ka Haflong ha kiba bun ki liang.
Ïa kane la kren da u President bad u Working President u Amrit Kemprai bad u Makhanlal Nunsa jong ka Haflong Haphai Awareness Hosom ha ka jingïakynduh bad ki nongthoh khubor kaba la long ha ka shlem treikam jong ka Jadikhe Naisho Hosom ha ka sngi Ba-ar.
Ki nongïalam na baroh ar tylli kine ki seng ki la ai jingkren ha ka jingïakynduh jong ki bad ki nongthoh khubor ha ryngkat ka jingïadonlang jong ki nongïalam shnong ba mynta bad kumjuh ki nongïalam shnong barim jong ki 16 tylli ki shnong jong ka Haflong.
Ki la pynpaw ïa ka jingbym sngewtynnad ha kaba ïadei bad ka jingbym shah kynthup jong ki MCA kiba la shahjied na Haflong ha ka Executive Committee, Haflong, ka District Headquarters jong ka Dima Hasao, da bun bun snem.
