Shillong, Nohprah 20
Ka Meghalaya Boxing Association (MBA) ka dap da ka jingsngewsarong halor ki ar ngut ki dkhot ka synjuk kata u Bah Jimmy Bosco Shadap bad u Bah Daniel W. Marbanaing kiba lah pass ïa ka BFI 1 Star National Referee & Judge kaba la long ha Arunachal Pradesh.
Ïa kane ka jingpass la pynbna da ka BFI ha ka 25 tarik u Naiwieng. Ka MBA ka ai ka jingkyrkhu bad jingkhublei ïa kine ar ngut ba kin lah shuh shuh ban trei ïa ka kam kiba la bynshet ha ki sngi ban wan bad kan long ka jingsarong ïa ka Jylla ba ka jingpass jong ki kan ïarap shikatdei eh ha kaba dei ban pynïaid ne kyntiew ïa ki jingïalehkai Boxing ha ka Jylla. Kane ka kyrwoh ka la wan lyngba u Bah Dondon Marweiñ, Secretary ka MBA.
