Jowai, Nohprah 22
Ka Archery Committee jong ka West Jaiñtia District Sports Association (WJDSA) ka la pyntip paidbah ba kan pynlong ïa ka jingïakop siat khnam (Traditional Archery Competition) ba shi sngi ha Kiang Nangbah Stadium.
Ïa kane ka jingïakop yn pynlong ha ka 28 tarik mynta u bnai ha madan Kiang Nangbah Stadium ha ka por 9 baje mynstep. Ka khusnam na ka bynta ka lahduh ha ka jingïakop para marwei kan long T.4,000 bad ba-ar T.2,000, katba ha ka doubles pat ka long T.6,000 bad ba-ar T.3,000 bad ka bai rung ka long T.50 ha ka singles bad T.100 doubles. Ka tarik ba khatduh ban pynpoi kyrteng kan long 27 tarik mynta u bnai.
La pyntip ba ka jingïalehkai yn pynlong ha ka dur ka League, bad ki khnam ba ïoh ban pyndonkam ki long tang 3 tylli bad ka poin yn kheiñ dei ïa kiba shei ïa ka thong (target). Na ka bynta ki jingtip ba bniah ki lah ban phone ha une u number 8787473533.
