Shillong, Nohprah 22
Ka Shillong Sports Association (SSA) ka la pynbna ban sdang noh ïa ka lympung ïalehkai First Division Football League Tournament 2023-24 ha u Kyllalyngkot jong u snem 2024 ha SSA Stadium, Polo.
Ha kane ka lympung kin duh hynñiew tylli ki kynhun ki ban ïashim bynta kiba kynthup ïa ka Laitkor SC, Mylliem SC, Mawkhar SC, Umphyrnai SC, Malki SC, Lawsohtun SC bad ka Nongrim Hills SC.
Ki kynhun ki ban ïakhun nyngkong ha katei ka sngi sdang ka ban long ha ka 9 tarik kin long hapdeng ka Laitkor SC pyrshah ïa ka Malki SC ha ka por 2.15 janmiet. Ka jingïakhun kaba ar kan long hapdeng ka Mawkhar SC pyrshah ïa ka Lawsohtun SC ha ka 11 tarik, ka Nongrim Hills SC ïa ka Umphyrnai SC ha ka 13 tarik. Ha ka 16 tarik ka Mylliem SC ïa ka Laitkor kumjuh ha ka 18 tarik ka Malki pyrshah ïa ka Nongrim Hills.
Ka Umphyrnai ïa ka Mawkhar ha ka 20 tarik, ka Lawsohtun ïa ka Laitkor SC (23 tarik), ka Nongrim Hills ïa ka Mylliem (25 tarik) bad ka Mawkhar ïa ka Laitkor (27 tarik).
