Shillong, Nohprah 28
U rangïakura ka Jylla u Ïarapborsing Kharbani u la lah ban pynpaw ïa ka jing-tbit da kaba khur jingjop ha ka rynsan ïakura jong ka Indian Boxing Council kaba la long ha nongbah Delhi.
Une u rangïalehkai uba don hapoh ka lama jong ka Meghalaya Professional Boxing Council (MPBC) u la lah ban pynliem noh ïa u rangïakura uba na Haryana u Sahil Chouhan lyngba ka ‘technical knockout’ tang ha ka wat kaba nyngkong jong ka kyrdan ïalehkai Super Bantam Weight kaba la long ha ka 25 tarik mynta u bnai.
Kane ka long ka sien kaba ar ba u Ïarapborsing u la khur jingjop mynta u snem bad dangshen ha u Nailur u la lah ban khur jingjop kaba nyngkong ha ka Professional Boxing ba la pynlong da ka Vadodara Combat Academy ha Gujarat hadien ba u la lah ban pynliem noh ïa u rangïakura uba na Telangana u Devavath Anil Kumar ha ka kyrdan ïakura jong ka Bantamweight 53.5kg.
