Aizawl, Nohprah:
Ki shipai ïada ri ki la ïoh ban kurup ïa ki Cigarettes bar ri kiba la kot sha ka T. 2.38 klur bad 1 lak tylli ki Methamphetamine Tablets kiba la kot sha ka T. 1.28 klur ha ki jingleit khynra bapher bapher kiba la don ha Mizoram, la ïathuh ki heh pulit ha kine ki khyndiat sngi ba la leit.
Ha kaba ïadei bad kane ka jingjia, arngut ki nongkhaïi drok ki la shahkem bad kine ki kynthup ïa u Litan Nama (28) bad u Jakir Hussain (23), kiba dei na Tripura, bad ïa ka kali jong ki, ka Mahindra Scorpio ba la pyndonkam na ka bynta ban kit ïa ki song jong u drok ruh la kurup lang.
Ki heh jong ka Advocates for Rubber Production Boost ki la ong ba ki Assam Rifles bad ki pulit ka Customs Preventive Force ki la ïoh ban kurup ïa ki Cigarettes ba la song ha ki 109 tylli ki synduk, ha kaba la suba ba ïa kine ki song la wanrah na na Myanmar.
Kane ka jingïoh kurup ka la long ha Champhai distrik, Mizoram. Ha kawei pat ka jingleit khynra, ki heh ka Excise bad Narcotics Department ki la ïoh ban kurup ïa 1 lak ki Methamphetamine Tablets ha ka shnong Khatla kaba don ha Aizawl bad kem ïa u Litan bad u Jakir.
