Shillong, Nohprah 29
Ka Mawlum Tyrsad SC ka la long ka lahduh ha ka lympung ïalehkai First Division Football League ba la pynïaid da ka Tyrsad Area Sports Association (TASA), hadien ba ka la lah ban pynliem noh ïa ka Pomsanngut SC lyngba ka tie-breaker da 5-4 kol.
Ha ka jingïakhun final kaba la long myn ha ka 23 tarik mynta u bnai, baroh ar ki kynhun ki la pyrshang ban ïakhun tyngeh naduh kaba sdang, hynrei haduh kaba kut kim shym la lah ban thep kol.
Haba phai sha ka Second Division pat rah ïa ka nam lahduh da ka Laitmawhing SC hadien ba la lah ban pynliem noh ïa ka Laitmawhing SC da 1-0 kol.
Ïa kane ka shi kol la ïoh ban pynkhih jar lyngba u Arnimg Rani ha ka minit kaba 18.
Ha ka jingïakhun final jong ka Third Division, la rah nam lahduh da ka Mawdngong SC kaba la lah ban pynliem noh ïa ka Mawkynroh SC lyngba ka shi kol ba la thep da u Donal Rani lyngba ka free-kick ha ka minit kaba 8.
Ha katei ka sngi la ïadon lang Bah Lamphrang Blah (MDC) kum u kongsan ha ryngkat u Bah Wellbirth Rani, Bah Hamphrey Lyngdoh Lyngdoh Hima Lyngïong, ki Rangbah shnong, Bah Staising Kharbteng bad kiwei kiwei.
