Bhopal, Kyllalyngkot:
Ki la don palat 8 lak ngut ki riewngeit Hindu kiba la leit jngoh ïa ka jaka mane blei kaba pawnam ka Mahakaleshwar Temple ha Ujjain ka jaka sor kaba don ha Madhya Pradesh na ka bynta ban leit duwai ha u snem thymmai, la ïathuh ki heh ba dei khmih jong kane ka jaka mane blei ha ka sngi Ba-ar. Ka Mahakaleshwar Temple ka la long kawei na ki 12 tylli ki ‘jyotirlinga’ ki jaka mane blei kiba don ha ka ri.
U heh nongpynïaid jong kane ka jaka mane blei u Sandeep Soni u la ong ba ki la don kumba 8.10 lak ngut ki riewngeit Hindu kiba la leit jngoh ïa ka jaka mane blei haduh ban da dei ka sngi khang ha ka lah sngi U Blei. Ka la don ka jingïeng laiñ naduh ka por 6 baje mynstep jong ka lah sngi U Blei bad la don palat 45,000 ngut ki briew kiba la don bynta ha ka jingduwai step ne ka ‘Bhasma-Aarti’, u la ong.
