Bengaluru, Kyllalyngkot:
Ki pulit pynïaid kali jong ka Bengaluru ki la pynlong da ka jingkhmih bniah kaba kyrpang ha ka sngi peit miet jong ka jingwan u snem thymmai. Ha kane ka jingpyntreikam la ïoh kem ïa kumba 330 ngut ki nongñiah ar shaka halor ka jingpynkheiñ kyndon da kaba dih buaid ha ka por ba ki ñiah kali, la ïathuh ki heh pulit ha ka lah sngi U Blei.
Kumba la ïathuh ki pulit, la ong ba ki la dep ban khmih bniah ïa kumba 7620 tylli ki kali ha ka por ba la don ka jingpyntreikam kaba kyrpang kaba la long ha ka sngi U Blei.
Ha ka por ba la don ka jingkhmih bniah, ki la don kumba 330 ngut ki nongñiah ar shaka kiba la shah pynngat hapoh ki kyndon ba la buh.
Ka la don ka jingbuh jingmudui pyrshah ïa ki, la ïathuh shuh shuh ki pulit.
Ha kaba ïadei bad kane, ki la don kumba 14 tylli ki jingjia aksiden ha ki surok ba la ïoh jingtip ba ki la jia ha ki bynta jong ka Bengaluru hapdeng ka sngi U Blei bad ka lah sngi U Blei.
“Ha ka 31 tarik, Nohprah, 2023, haduh ka por shiteng miet, la don kawei ka jingjia aksiden kaba shyrkhei bad 10 tylli kiwei pat ki bym da jur eh,” la ïathuh ki pulit pynïaid kali ha ka jingthoh ba ki la pyllait.
Kumjuh ha ka 1 tarik, Kyllalyngkot, 2024, hapdeng ka miet shiteng synñia bad ha ka por 7:00 mynstep, ki la don baroh kumba 3 tylli ki jingjia aksiden kiba shyrkhei, la bynrap ki pulit pynïaid kali.
