Shillong, K’Lyngkot 02
U coach ka Hyderabad FC u Conor Nestor u la pynbna ba u la shah pynkut noh ïa ka kontrak bad kane ka klob ïalehkai Indian Super League ha ka 30 tarik u Nohrah jong u snem 2023.
“Nga kwah ban ai khublei ïa ki nongkyrshan jong ka klob kiba don ka jingsngewthuh ha ka por ba dangdon bad ka klob bad kumjuh ïa kito ki rangïa-lehkai kiba la ïalehkai bha,” la pynpaw u Nestor hapoh social media jong ka X (Twitter).
U Nestor u la ïasoh sha kane ka klob naduh u Nailar jong u snem ba la lah ba lah na ka bynta ba mih bujli ha ka jaka u Manolo Marquez, uba la leit shimti ïa ka FC Goa.
Kumba ka paw ka Hyderabad kam shym la lah ban ïalehkai bha ha kane ka shiteng jong ka aïom ïalehkai Indian Super League 2023-24 hapoh ka jingïalam u Nestor. Kane ka kynhun kam shym la lah ban khur jingjop wat tang shisien ruh na ki khadwei sien ïakhun, ha kaba ka la ïakhaid saw sien bad shah rem hynñiew sien.
