Shillong, K’Lyngkot 03
Ka Hockey India ka la pynbna ïa ki kyrteng jong 39 ngut ki rangïalehkai kiba la shah khot sha ka prokram kilanmet kaba la sdang naduh ka sngi Balang ha Sports Authority of India (SAI), Bengaluru.
Kane ka jingkilanmet kan ïai neh ban neh haduh 11 sngi kynthih hashwa ba kan mih ban leit sha Cape Town, South Africa ban ïashim bynta ha ka 4 Nation Tournament ha kaba ka India kan ïakhun pyrshah ïa ka France, Netherlands bad ruh ïa ka South Africa.
Kane ka jingleit ïashim bynta ha South Africa ka long ruh shi bynta ban pynkhreh na ka bynta ka Paris Olympic Games bad ruh ha kajuh ka por hashwa ba ka India kan ïashim bynta run ha ka FIH Hockey Pro League ha Odisha ha u Rymphang ha kaba ka India kan ïakhun pyrshah ïa ka Australia, Netherlands, Spain bad ruh ïa ka Ireland.
Ha katei ka prokram kilanmet ki rangïalehkai ki kynthup ïa ki rangapkol kata u Krishan Bahadur Pathak, PR Sreejesh, Suraj Karkera, Pawan Malik bad u Prashant Kumar Chau-han. Kumjuh u Harman -preet Singh, Jarmanpreet Singh, Surender Kumar, Varun Kumar, Amit Rohi-das, Gurinder Singh, Jugraj Singh, Mandeep Mor, Nilam Sanjeep Xess, Sanjay, Yashdeep Siwach, Dipsan Tirkey, bad u Manjeet kum u ki rangïalehkai ‘dien.
Ki rangïalehkai shapdeng ki kynthup ïa u Manpreet Singh, Hardik Singh, Vivek Sagar Pra-sad, Moirangthem Rabichandra Singh, Shamsher Singh, Nilakanta Sharma, Rajkumar Pal, Sumit, Akashdeep Singh, Gurjant Singh, Mohd, Raheel Mouseen bad u Maninder Singh.
Ka thup jong ki rangïa -lehkai shakhmat ki long u S. Karthi, Mandeep Singh, Lalit Kumar Upa-dhyay, Abhishek, Dilpreet Singh, Sukhjeet Singh, Simranjeet Singh, Shilanand Lakra bad u Pawan Rajbhar.
Na ka liang u coach ka kynhun ïalehkai ka ri u Craig Fulton u la ong, “Nga kyrmen skhem ki rangïalehkai kin wanphai sha ka jingkilanmet da ka jingshitrhem hadien ka jingioh shuti shipor. Ngi sdang ïa ka aïom ïalehkai hockey da ka jingleit ïashim bynta sha South Africa kaba long shi bynta ban pynkhreh ia ka Paris Olympics. Ka kynhun jong ngi kan pynkhreh ruh ïa ka FIH Hockey World Cup ka ban long ha Muscat, Oman.”
“Kumba long borabor kane ka prokram kilanmet ka long shi bynta ban pynleit jingmut na ka bynta ban pynkhlaiñ ïa ka kynhun ha kane ka aïom,” la bynrap u Fulton.
