Bhopal, Kyllalyngkot:
Ki nongrep kiba la duh jingkyrmen na ki jingïakynduh jingeh da ka jingbym banse ki la hap ban bteng pan da ka ram ban khyllie ïa ki jingduh na kiba bun ki jingeh ba ki ïakynduh na ka daw ka jingkyrduh pisa khamtam haba ki la dunnong shibun ha kaba ïadei bad ka kam rep. Kumba la sakhi, la ong ba kiba bun ki nongrep ki la hap ban pan ram na ki riewshimet ha Maharashtra ha kaba ka jingdon jong ki nongrep kiba pan ram ka la bun bha ha ki snem ba la lah. Ki nongïalam jong ki nongrep ki la ong ba kiba bun nongrep khamtam kito ki baduk bad kiba kyrduh ki la hap ban shim ram na kine ki riewshimet.
Kumba la sakhi, la ong ba ka jingshah ktah jur jong ki nongrep ka la long namar ka jingdon jong ka jingkhangdam ha ka por ba la wan lynshop ka khlam Covid, ha kaba kane ka la pynlong ïa ki ïew ba kin hap ban khang lut bad kumjuh na ka jingwan hap jong u slap bym pat dei por. Ka jingpan ram jong ki nongrep ka la long naduh ka jingwan lynshop jong ka khlam ha kaba naduh u snem 2020, lajan baroh ki nongrep ki la shah ktah jur khamtam na ka jingkyrduh pisa. Nalor kane ka jingshah pynjulor jong ki jingthung jingtep ka la long ka daw bah kaba la pynlong ïa ki ba kin hap pan da ka ram wat lada ki la ïoh jingmyntoi na ka jingkyrshan pisa jong ka sorkar, namar ka jingduhnong jong ki kam lah ban pynbiang ïa ki jingduhnong ba ki la mad. Ka jingdon jong ki nongai ram kiba la ïaid da ka lynti kaba beaiñ ka la nang bun ha kaba kane ka la buh jingeh ïa ki nongrep ha Maharashtra.
Nalor ki nongrep bad ki kynhun ki bym dei ki nongrep kiba dei ban ïoh jingmyntoi ka jylla ka la ai jingbit ïa ki nongai ram kiba la ïoh License ba kin ai ram sha ki briew kiba donkam. Ha kaba ïadei bad kane ka jingpyntreikam, ïa ki License la dei ban ai da ka jaka treiakm jong u Commissioner for Co-operation and Registrar Co-operative Societies. Kiba bun na ki nongshong shnong jong ka Madhya Pradesh khamtam ki nongrep ki la iakynduh ia shibun ki jingeh haduh mynta hadien ba ka la don ka jingjur jong u slap uba la wanrah ia kiba bun ki jingpynjulor kiba long ia ki iing ki sem ki jingshna ba bun bad khamtam ia ki mar rep.
Kine ki nongrep ki la pynpaw ba kane ka la long arban ïa ki khamtam hadien ba la wan lynshop sa ka khlam ha kaba wat lada mynta ba ka khlam ka la kham duna ban ktah jur ïa ki briew, ki la pynpaw ba kim lah ban khie khlieh naba ki la ïoh ban mad ïa ki jingeh da bun snem. Kane ka la buh jingeh ïa ki ha kaba ïadei bad kane ka por ba mynta ha kaba ki la shem jingeh lada kim ïoh jingïarap sa na ka sorkar kaba dei khmih bad kaba lah ban kyrshan na ka bynta ki jingdonkam jong ki.
