Shillong, K’Lyngkot 04
Ka Meghalaya School of Martial Arts (MSMA) ka la sei haduh 17 ngut ki ‘thei ïalehkai ki ban ïashim bynta ha ka Khelo India Women’s Wushu East Zone ka ban long ha Kokrajhar, Assam naduh 3 haduh 6 tarik mynta u bnai.
Kine ki kynthup ïa ka Riwa Kymdait, Ravica Kharmuti, Rikynti Tha-bah, Ngibanylla Lawim, Alvareen Kharumnuid, Alfinia Warjri, Edaka Warjri, Rijanai Ryndong, Ilawankmen Nongbri, Balakynshew Lyngdoh, Ibalakordor Umdor, Banika Marboh, Rebecca Lyngdoh Nongbri, Sany Khyriemmujat, Sesilia Dkhar, Espiranza S. Songthiang bad ka Hammy-lienki Dkhar.
Ïa kane ka kynhun la ïalam da u President u Bah Donny Ranee bad ka Coach ka Lorenza Songthiang.
Te kumta na ka liang ka Meghalaya School of Martial Arts ka la aikhublei kitbok kitrwiang ïa kane ka kynhun ba kan ïalehkai bha ha katei ka lympung khnang ba kan lah ban ïoh kheit ïa u soh ka jingjop.
