Nongstoiñ, K’Lyngkot 04
Ka Nangkiew Irat Sports Club kan hiar madan ha sor Nongstoiñ ban ïakhun pyrshah ïa ka kynhun ïalehkai na West Khasi Hills, ka Kith United FC ha ka jingïalehkai kaba khaduh jong ka pre-quarter final ha ka Invitation Knockout Football Tournament 2023-24
Ïa kane ka lympung la pynïaid da ka New Nongstoiñ Sports Social & Cultural Club bat katei ka jingïakhun kan long ha ka 5 tarik ha ka por 1:30 mynsngi ha madan New Nongstoiñ.
Shuh shuh , ka NNSSCC ka khot bad wer ïa baroh ki paidbah riew ïeit phutbol na ka thaiñ bad na kiwei ki jaka ba kin wan ban sakhi ïa katei ka jingïalehkai bad la kyrmen ruh ba ka jingïakhun hapdeng kitei ki ar tylli ki kynhun kan long kaba itynnad.
Ha kawei pat ka khubor, ka Football Committee ka NDSA ka la pyntip ba ka lympung ïalehkai NDSA Premier League Football Tournament Super Division kan bteng biang naduh 6 tarik ha ka por 11:40 mynstep hapdeng ka Mawliehbah pyrshah ïa ka Tiehrit bad ha ka por 2 baje janmiet ka Khliehmawlueh kan ïakhun pyrshah ïa ka Nongpyndeng.
