Pyongyang, Kyllalyngkot:
Wat hapdeng ki jingiathud bad jingiakynad bad ka North Korea, hynrei la ong ba ka South Korea pat bad ka United States ki la iatrei lang ha ka jingpyntbit bad jing pynkilan ia ki shipai thma jongki kaba kynthup ia ka jing pyndonkam da ki tiar siat kiba khlaiñ bor ban pynkhlaiñ ia ka jingiada naka bynta kitei ki arliang ri ha ki por ki ban wan.
Katei ka jing pynkilan bad ka jingiatrei lang hapdeng ka tnat South Korean Army bad ka U.S. Army ka long ban peit thuh ia ka jinglong kloi ban iada jong ki shipai jong kitei ki arliang ri lada jia ka thma ba kyndit ha kano- kano ka por bym lah ban batai.
Katei ka jing pynkilan jong kitei ki arliang ri ka la long mynta la 1 taiew bad kaba la sdang naduh ka 29 tarik jong u Nohprah 2023 bad kaba dang kut ha kane ka Sngi Palei jong kane ka taiew ba nyngkong jong u snem 2024.
