Silchar, K’lyngkot:
Kum shi bynta ban ai ka jingïarap bad ka jingshngaiñ ïa ki nongshong shnong jong ka thaiñ, ki pulit ha ka step phyrngab ki la pynlong ïa ka jingpyntreikam bad ïoh kem ïa 17 ngut ki nongtuh na kiba bun ki bynta jong ka Silchar.
Ha ki khyndiat sngi ba la leit, ki la don ki jingjia jong ka jingleit tuh ki briew kiba la kah ïa ki durkhmat jong ki ha ka por ba ki leh ïa ki kam tuh ha kaba kine ki la jia lajan ha baroh ki jaka.
Ïa kine ki nongtuh la lah ruh ban ïohi lyngba ki CCTV. Ha kaba ïadei bad kine ki jingjia ka la pynïakynduh jingeh ïa ki pulit naba ym don kiba shahkem hadien ba ki la dep ban leh ïa ki kam tuh jong ki.
Ha kaba ïadei bad ka jingtrei shitom, ki pulit jong ka Silchar ki la pynkhlaiñ ïa ka jingpyntreikam bad ïoh ban kem ïa 17 ngut ki nongtuh.
Ïa kine ki nongtuh la ïoh ban kem bun na Rangirkhari, Malugram bad Ghoongoor.
Ïa u snar nongïalam jong kane ka kynhun la tip kyrteng kum u ‘Spiderman’ da ki nongshong shnong ha kaba ïa une haduh mynta ym pat lap satia ha kaba la ong ba une um dei uba napoh shnong hynrei na kiwei pat ki jaka.
Ka jingtohkit ïa kine kiba la shahkem ka dang ïaid shakhmat. Ki pulit ki la ïoh ban kurup ïa 12 tylli ki Mobile Phone bad ka Laptop ba la tuh da kine ki runar.
