Vijayawada, K’lyngkot:
Ka Andhra Pradesh State Beverages Corporation Limited (APSBCL) ka la die ïa ka kyiad kaba la kot sha ka T. 147 klur ha ka peit miet snem thymmai, kaba la kiew ar shah kumba ka ju long ha kiwei pat ki snem kaba la long tang ha ka shi sngi.
Ka jingkiew ha ka jingdie ïa ka kyiad ka la long na ka T. 75 klur sha ka T. 85 klur. Ki la don kumba 1.51 lak tylli ki jingjia jong ka Indian Made Foreign Liquor (IMFL) bad 67,000 tylli ki jingjia jong ki Beer ba la die.
Ka jingpeit miet snem thymmai ka la jia ryngkhat bad hap ha ka sngi U Blei, ha kaba la sakhi ba ka la don ka jingïeng laiñ jong ki briew ha ki jaka die kyiad naduh ka por mynstep jong kane ka sngi.
Ka sorkar ka la ai jingbit ïa ki dukan kyiad jong ka APSBL ba kin plie tam sa kumba lai kynta haduh shiteng miet bad nangne ka la lah ruh ban die bun bha ïa ka kyiad ha kaba ka la don jingmih shibun shah. U Managing Director jong ka APSBCL u D Vasudeva Reddy u la ong, “Ka kyiad kaba la kot sha ka T. 142 klur la lah ban die ha ka 31 tarik, Nohprah, 2022.” Kumba la ïathuh ka tyllong khubor, la ong ba na kane ka jingkiew ha ka jinglah die ha kylleng ki jaka ka la ïarap shibun ban kyntiew ïa ka jingïohnong.
