Seoul, Kyllalyngkot:
Katkum ki khubor la ong ba u nongialam ka liang pyrshah jong ka South Korea- u Lee Jae-myung, uba la shah ot ryndang ha kine ki khyndiat sngi ba la leit, ha kane ka por ki doktor kiba sumar ia u ki la pyntip ba u la sdang ioh bor bad lait na ki jingma kiba ap ia ka jingim jong u. Kane ka long katkum ka kaiphod ba la ioh na ka Seoul National University Hospital.
La ong ba u Lee u la shah ker tawiar ha ki nongthoh khubor ha katei ka Sngi Ba-ar, ha kaba kynsan- kynsan uwei u briew uba leh mynleh kum u nong kyrshan jong utei u nongialam hynrei u la sei pynban da ka kynja tiar kaba nep kum ka tari bad u la ot swiak na ryndang jong utei u nongialam bad u la phet krad noh bak na katei ka jaka ha ka por ba baroh kiba don ha katei ka jaka ki dang shoh tyndep bad kulmar namar ka jingkyllon bad jing synreit ka snam na ryndang jong utei u nongialam ha katei ka sngi.
Kumta, la ong ba u Lee u la mynsaw bad don jingthud ha ki laiñ thied snam jong u ryndang bad la pynkynriah noh ia u hadien sha ka hospital kaba don ha ka nongbah Seoul jong ka ri na ka hospital ba la pynkit nyngkong ia u na Busan.
