Nongstoiñ, K’Lyngkot 05
Ka Nangkiew Irat SC ka la jam sha ka quarter final ha ka lympung ïalehkai Invitation Knockout Football Tournament 2023-24 ba la pynlong da ka New Nongstoiñ Sports Social &Cultural Club.
Kane ka nam jop ka la wan urlong haduh ba ka la lah ban pynliem noh ïa ka Kith United FC da 3-2 kol ha ka jingiakhun quarter final kaba la long ha ka sngi Thohdien ha madan New Nongstoiñ.
Haba phai sha katei ka jingïakhun hapdeng kitei ar tylli ki kynhun, ka Nangkiew Irat SC ka la ïoh ban pynkhih jar nyng-kong ha ka minit 24 lyngba u Hedystone Rangslang. Ha ka minit kaba 43 ka Kith United ka la lah ban pynphai kylla lyngba ka free kick ba la shut da u Liverson Ïawphniaw.
Shuh shuh ha ka jingïakhun, ka Kith United ka la lah pynban ban pyntam da kaba thep ruh ïa ka kol kaba ar lyngba u Kmenlang Marthong ha ka minit kaba 45, hynrei hashwa ban kut noh ha ka 90 minit ka Nangkiew Irat ka la ïoh ban pynphai kylla bad pynïakhaid biang lyngba u Hedystone Rangslang.
Haba bteng ïa katei ka jingïalehkai jong ka extra time, ka Nangkiew Irat lyngba ujuh u rangïalehkai ba shakhmat u Hedystone Rangslang uba la ïoh ruh ban khur ruh ïa ka hat-trick hadien ba u la ïoh ban thep ïa ka kol kaba lai ha ka minit kaba 101 bad ban pynlong ïa ka Nangkiew Irat ban khur syndon ïa ka jingjop.
Ïa ka nam Man of the Match la ïoh ban khur hi da u Hedystone Rangslang.
