Shillong, K’Lyngkot 07
Ki jingïalehkai jong ka lympung Under-16 Boys Football League 2023-24 ba la pynïaid da ka Shillong Sports Association (SSA) kin bteng biang lashai ka sngi ka 8 tarik ha madan Polo naduh ka por mynstep.
Ha kane ka sngi, ka jingïalehkai kaba nyngkong kan long ha ka por 9.30 mynstep ha madan 1st Ground SSA Stadium, ha kaba ka Labet Sports Club kan ïakhun pyrshah ïa ka Lumshyiap Sports Club katba ha ka por 11 baje mynstep pat, ka Mawreng Sports Club kan ïakhun pyrshah ïa ka Upper Shillong Colt.
Ka jingïalehkai kaba lai jong kane ka sngi, kan long ha ka por 12.30 mynsngi hapdeng ka Umpling Sports Club pyrshah ïa ka PFR Football Academy bad ka jingïalehkai kaba khatduh jong kane ka sngi kan long ha ka por 2 baje mynsngi hapdeng ka Iaitylli Sports Club pyrshah ïa ka Mawlai Sports Club.
