Vijayawada, K’lyngkot:
Ka Vijayawada Municipal Corporation (VMC) ka la pynpaw ba kan sa ïai bteng ha kaba ïadei bad ka jingpynlong ïa ki jingpynbna paidbah halor ka thong ban pynduh pyndam syndon ïa ka jingpyndonkam ïa ki plastik. umba la sakhi, la ong ba ka la long kaba jop naba kumba la sakhi, la ong ba ka jingpyndonkam plastik jong ki nongshong shnong ha ka thaiñ ka la kham duna ha u snem ba la lah haba ïanujor bad kiwei pat ki snem ba la leit.
Kane ka la long hadien ba ka VMC ka la dep ban pynlong ïa ki prokram ai jinghikai sha ki paidbah na ka bynta ban pynsngewthuh shai ïa ki shaphang ka jingkhuid ka ban lah ban ïoh lada ym pyndonkam ïa ki plastik bad ban pynneh ïa ka jingkhuid da kaba ym bret pathar ïa ki jaboh.
Katei ka kynhun ka la don bynta ha kaba ïadei bad kane ka jingpyntreikam halor ka jingthmu ban wanrah ka jingkylla ïa ka Gandhi Hill sha ka jaka kaba lait na ka jingpyndonkam ïa ki plastik.Katkum ka jingïathuh jong ki heh ka VMC, ka Civic Body ka la soi ïa ka Memorandum of Understanding (MoU) bad ka Gandhi Hill Foundation ha u 2020 na ka bynta ban kyntiew ïa kane ka jaka.
Nalor ka jingpruidur ha kaba ïadei bad ka jingthmu da ka Corporation, ïa ki lynti synkien bad kiwei pat ki jingdonkam la nang pynbiang shuh shuh ha ka jinglut ba la antad ba kan long T. 2 klur. Kane ka jingmang pisa ka kynthup ruh na ka bynta ban pynitynnad ïa katei ka thaiñ ha ka rukom kaba ishongkun bad khring ïa kiba bun.
U Commissioner jong ka VMC u Swapnil Dinakar Pundkar u la ong ba da ki phew snem, ka Gandhi Hill kaba la paw ha ka khana pateng ka la long ka jaka kaba la khring ïa ki nongjngohkai pyrthei na kylleng ki ri ka pyrthei.
Na ka jingbuh jingkheiñ la ong ba ki ju don kumba 1,000 haduh 1,500 ngut man ki sngi ki briew kiba ju leit shangkai sha kane ka thaiñ bad ka la long arshah ha ki sngi kut taïew, la khmih lynti ba ka jingleit jngohkai jong ki briew kan sa nang bun khamtam lada lah ban nang pynitynnad shuh shuh sa ïa kiwei pat ki jaka.
Kum ka jingbuh jingmut ha kaba ïadei bad kane, ka Civic Body kan sa shim ki sienjam na ka bynta ban pynkylla ïa kane ka jaka sha ka jaka kaba lait na ka jingpyndonkam plastik, la ong u heh jong ka VMC ha ka jingïakren bad ki nongthoh khubor.
