Shillong, K’Lyngkot 08
Ka kynhun ïalehkai ka Jylla ka la wanphai da ka jingkhlaiñ bor pyrshah ïa ka Sikkim ha kaba kut ka sngi kaba ar jong ka U-23 men’s Col CK Nayudu Trophy ha ka lah sngi U Blei.
Haduh 29 wiket la shah pynkhyllem ha kine ki ar sngi, bad ka Meghalaya ka la lah ban kawang haduh 113 bol ha ka inning kaba nyngkong hadien ba ka Sikkim ka la ïoh ban kam trai ban tied nyngkong ha Rangpo kaba ha Sikkim hynnin ka sngi.
Te kumta ka Sikkim ka la buh ïa ka thong da kaba kamai 91 run hadien ba ka la shah pynhap wiket baroh. Hadien ka Meghalaya ka la lah ban kamai 370/9 ha ka inning kaba ar na ka bynta ban tam da 392.
U Abhishek Kumar (4/31 in 10.4) ryngkat bad u Manish Sharma (6/40 from 18 overs) na ka bynta ban pynkhyllem ïa baroh ki nongtied ka Sikkim.
Hynrei ka Meghalaya ka la lah ban ïalehkai bha ha ka inning kaba ar ha kaba u kapten u Kevin Christopher u la lah ban kamai ïa ka spah run kaba 137, katba ïa ki shiteng spah run la khur da u Mrinal Das bad u Nishanta Chakraborty.
U Mrinal u la khyrwit 54 run na ki 45 bol (11x4s) katba u Nishanta (59 run na ki 101 bol kynthup ïa 10 tylli ki ‘four).
