Bengaluru, Kyllalyngkot:
Ki jaka sah bad ki jaka treikam jong u MLA ka seng Congress ha Karnataka u K Y Nanjegowda bad katto katne ngut ki briew kiba la ïadei kam bad u ki la shah khynra hynnin ka step ha ka kynhun Enforcement Directorate kum shi bynta ban tohkit halor ka jingshah kynnoh donkti jong ki ha ka jingkamai ïa ka spah bymhok, la ïathuh ka tyllong khubor ba la wan na ka kynhun tohkit.
Une u MLA uba la 61 snem ka rta u la mihkmat na Malur konstitwensi ha Karnataka Assembly. Ka jingleit khynra ka la long ha ka jaka sah bad ka jaka treikam jong u bad kumjuh ha ki ïingsah jong kito kiba ju ïadei kam bad u kiba don ha Malur bad Kolar distrik kum shi bynta ban pynlong ïa ka jingtohkit hapoh ka jingtreikam jong ka Prevention of Money Laundering Act (PMLA), la ïathuh ka tyllong khubor.
Katkum ka jingsngewthuh, la ong ba ka mudkotduma jong ka kynhun ED la mudui ha kaba ïadei bad ki jingujor ejahar jong ki pulit. U Nanjegowda u la long u President jong ka Kolar-Chikkaballapur Milk Union Ltd.
