Shillong, K’Lyngkot 09
Ka Laitkor SC ka la khur ïa ka jingjop ha kaba sdang ïa ka 1st Division Football League 2023-24 ba la pynïaid da ka Shillong Sports Association (SSA), hadien ba ka la lah ban pynliem noh ïa ka Malki SC da 1-0 kol ha ka sngi Ba-ar ha SSA Ground, Polo.
Kane ka nam jop ka la wan urlong lyngba u Ryngkat Yanni Rangksai na ka bynta ban pynlong ïa ka Laitkor ban khur ïa ka jingjop.
Na ka liang ka SSA ka la pynbna ba ka jingïalehkai jong ka Under-16 Boys Football League 2023-24 ha ka sngi Balang kan long hapdeng ka Lumshyiap SC pyrshah ïa ka Upper Shillong Colt ha ka por 9:30 mynstep, ka Umphyrnai SC ïa ka Umpling SC ha ka por 11 baje, ka Merinda FC ïa ka Lah Bet SC ha ka por 12:30 bad ka Rangdajied United FC ïa ka Mawpat SC ha ka por 2 baje janmiet.
