Khliehriat, K’Lyngkot 09
Ki ‘rang bad ki ‘thei ïalehkai phutbol ka East Jaiñtia Hills District ha ka sngi Ba-ar ki la mih ban leit shim bynta ha ka 5th Meghalaya Games 2024 ka ban long ha nongbah Tura.
Kane ka lympung kan sdang naduh ka 15 haduh 20 tarik mynta u bnai.
Hashwa ba ki khynnah kin mih na Khliehriat, na ka lang ki dkhot ka East Jaiñtia Hills District Football Association (EJHDFA) ki la ai ka jingkitbok kitrwiang ïa kitei ki khynnah khnang ba kin lah ban ïalehkai bha bad ban wanrah nam bad burom ïa ka District bad la kyntu ïa ki ba kin ri ïa la ka burom akor.
Ïa ka kynhun jong ki ‘thei ïalehkai la ïalam da ka samla Filicia Sympli kum ka coach bad u Rumi Lyngdoh kum u Manager. Katba ïa ka kynhun ki rangïalehkai la ïalam da u Robert Biang kum u Coach bad Rymphang Nongtdu kum u Manager.
