Bengaluru, Kyllalyngkot:
Ka jingbuh jingïalang jong ka seng BJP kan sa bteng, hadien ba la dep ban pynlong ha ka 28 tarik, Nohprah.
U President jong ka seng Bharatiya Janata Party (BJP) ha Karnataka u BY Vijayendra u la dep ban pynlong ïa ka jingïalang bad ki heh nongïalam jong ka seng ha Bengaluru hashwa ka ilekshon Lok Sabha halor ka jingthmu ban pynkhlaiñ ïa ki rukom treikam jong ka seng.
Ki Myntri Rangbah barim jong ka jylla kiba kynthup ïa u BS Yeddyurappa bad u Basavaraj Bommai bad kiwei heh nongïalam kiba kynthup ïa u KS Eshwarappa bad u Ashwath Narayan ki la don bynta ha katei ka jingïalang.
Ka seng BJP ka la ïakynduh jingeh ha kaba ïadei bad ka jingshahrem ha ka ilekshon ha u snem 2023 ha ka jingïakhun ïa ka ilekshon Assembly ha Karnataka, ha kaba ka la duh noh ban synshar ha kane jylla ba shaphang Shathie jong ka ri, ka BJP ka la ïohlad ban bat ïa ka jingsynshar kaba hashwa tang ha kane ka jylla ha ki bynta ba shaphang Shathie jong ka ri.
Ka seng Congress ka la ïoh jingkyrshan ha ki 135 na ki 224 tylli ki konstitwensi ha ka ilekshon Legislative Assembly ha ka jylla ha kaba ka la ïoh ïa ka vote da 43.2 per cent.
Ka seng BJP ka la hiar ha kaba ka la jop tang ha ki 66 tylli ki konstitwensi ha kaba ka la ïoh ïa ka vote tang 36.3 per cent.
