Jowai, K’Lyngkot 10
Ka lympung ïalehkai ki khynnnah kiba hapoh 13 snem ba la tip kum ka ‘Republic Day Football Tournament 2024’ ba la pynïaid da ka West Jaiñtia District Sports Associa -tion (WJDSA) ka la jam shaphrang ha ka sngi Balang.
Ha ka jingïalehkai kaba la long ha Kiang Nangbah Stadium kaba ha Ladthadlaboh Jowai, ka Sabahmuswang, Dulong, PSA, Ïongpiah, Khimu-sniang bad Ïawmulong Nartiang ki la khur ïa ka jingjop.
Ha ka jingïalehkai kaba nyngkong, ka Sabah -muswang ka la pynliem ïa ka Chutwakhu da 4-1 kol. Ka Chutwakhu ka la ïoh ban pynkhih jar nyngkong eh lyngba u Nelson Krem ha ka minit kaba 7. Hynrei u Deiwaemitre Shylla u la khur syndon da ka hat-trick na ka bynta ka Sabahmuswang hadien ba u la ïoh ban thep ha ka minit kaba 10, 18 & 20 bad ïa kawei pat la thep da u Syiem Kyndait (17).
Ha ka jingïakhun kaba ar, ka Dulong ka la jop da 4-0 kol ïa ka Mynthong. Ïa kine la thep da u Man I Khan Kyndiah ha ka minit kaba 30, kumjuh u Fayian Tariang (32), Arkini Bamon (51) bad Ha uni O Syiemlieh (53).
Kumjuh ka PSA ka la pynliem ïa ka Sailung Ïalong da 2-1 kol. Watla ka Sailung Ïalong ka la ïoh ban pynkhih jar nyngkong eh lyngba u Ïobiang Rymbai ha ka minit kaba 16, hynrei hadien ar minit ka PSA ka la lah ban pynïakhaid kylla lyngba u Wanlam Pyrtuh bad ïa kawei pat la pynbud da u Elezer Bareh (35) na ka bynta ban khur syndon ïa ka jingjop.
Ka Ïongpiah ka la pynliem noh ïa ka Demthring da 2-1 kol. Ïa ki kol jong ka Ïongpiah la thep da u Dayoohimi Laloo ha ka minit kaba 22 bad ïa kawei pat la thep da u Saiwotibor Suwer (59). Hynrei ka Demthring ka la lah ban pynphai kylla shi kol lyngba u Arwan-kimi Suting (31).
Ka Khimusniang ka la jop da 2-0 kol ïa ka Chilliangraij. Ïa kine la thep da u Arwa oo Siangshai ha ka minit kaba 33 bad Ruddyson Sutnga ha ka minit ba 42.
Haba phai sha kawei pat ka jingïakhun kaba khatduh, ka Ïawmulong Nartiang ka la pynliem noh ïa ka Lumkyrwiang da 3-0 kol. Ïa kine la thep da u Mewanhi Mas -kut ha ka minit kaba 7, katba u Dini Raliang u la thep ar kol ha ka minit ba 52 & 55.
