Hato ka jingthmu ban shna surok na Wahkaji – Phlang diloin haduh Ranikor bad ka jingkieng wah kynshi na Ranikor sha Alukwahreng ka dei tang ka jingkren politic ne ka long ka ban da urlong shisha.
To ngin ap bad peit ïa kane ka jingkren u Symbud Myntri Rangbah ka Sorkar Jylla. Ha ka jingshisha kane ka surok kaba donkam palat kan pynïasoh bad pynjan ïa ki briew ba shong ba sah ha khappud bad ka Bangladesh bad ki shnong kiba don ha ki jaka pdeng kum ka Ranglang Nongstoiñ, Nongkhnum bad kiwei kiwei ka ban ai jingmyntoi ym tang ha ka leit ka wan ka khaïi ka pateng bad bun kiwei kiwei ki jingdonkam, namar ka kham jan shibun ban hap leit kiew kyllain naduh Mawkyrwat shaduh Ranikor.
Kane ka surok kan pynsuk ïa ki briew bad ki shnong ban leit sha Nongstoiñ ka Nongbah ka West Khasi Hills ban leit trei leit ktah bad ban die jingdie ïa ki mar ki mata ba mih na ka thaiñ Border.
Ki paidbah kane ka thaiñ kin da sngewnguh bad kmen lada shim khia na ka liang ka sorkar ban shna pynkloi ïa kane ka surok kaba donkam shisha jong kane ka thaiñ khappud ka thain Border bad ka South West Khasi Hills District. Kane ka long ka jingkwah ki briew ka thaiñ Border bad ka Bangladesh.
C. B. Iawphniaw
