Shillong, K’Lyngkot 10
Ka Tyrsad Area Sports Association (TASA) ka la ai kibok kitrwiang ïa ki ‘thei ïalehkai phutbol kiba hapoh 18 snem ki ban mihkhmat ïa ka East Khasi Hills District sha ka 5th Meghalaya Games 2024 ka ban long naduh 15 haduh 20 tarik mynta u bnai ha Tura.
Ïa kane ka prokram la pynlong ha ka sngi Ba-ar ha Tyrsad ha kaba la ïadon lang u MDC ka thaiñ u Bah Lamphrang Blah, kumjuh ka KSU Tyrsad Circle, FKJGP Tyrsad Circle, HYC Tyrsad Circle, Rangbah shnong Mawlum Tyrsad bad Principal Tyrsad Hr Sec School, bad ki nongkitkam ka TASA.
Ki kyrteng ki ‘thei ïalehkai ki kynthup ïa ka Cynthia Mylliem Umlong, Baïahun Shisha Lyngdoh Nongbri, Yulity T. Phangrang. Philakyntiew Shisha Nengnong, Ibadondor Nongbet, Ideibanri Shisha Kharpran, Daïajingsuk Basaïawmoit, Balawanbiang Khongsit, Balabet Khongsit, Lapdianghun Rani, Baïasuklang Nongbet, Ibashembha Khongsit, Larihun Songthiang, Melaribha Lyngdoh, Inrilaidor Khongthaw bad ka Anjulismerry Ryntathiang.
