Jowai, K’Lyngkot 11
Ki la don 200 duna ki ‘rang bad ki ‘thei ïalehkai ka West Jaiñtia Hills District kin mihkhmat sha ka ‘5th Meghalaya Games 2024’, ka ban sdang naduh 15 haduh 20 tarik mynta u bnai ha nongbah Tura, West Garo Hills District.
Baroh ki ‘rang bad ‘thei ïalehkai ka District lem bad Coach bad Manager ki don 216 ngut kynthup ïa 117 ngut ki shynrang, 72 ngut ki kynthei bad 27 ngut ki Coach bad Manager.
Ki ‘rang bad ‘thei ïalehkai ka district kin shim bynta ha ki 16 tylli ki jait jingïalehkai kynthup naduh ka Football, Athletic, Basketball, Archery, Volleyball, Karate, Judo, Taekwondo, Wushu, Boxing, Cycling, Arm Wrestling, Badmin-ton, Mawpoin, Wapong Sika bad Rah Moo Khrah.
Ha ka U-18 Boy & Girls Football la don mar 16 ngut ki shynrang bad kynthei. Ha ka Athletic ki don 14 ngut ki shynrang lem bad 12 ngut ki kynthei. Ha ka Basketball ki don mar 10 ngut ki shynrang bad kynthei. Ha ka Archery ki don 4 ngut ki shynrang bad 2 ngut ki kynthei. Ha ka Volleyball ki don 10 ngut ki shynrang.
Ha ka Karate ki don 4 ngut ki shynrang bad 3 ngut ki kynthei. Ha Judo ki don 5 ngut ki shynrang bad 4 ngut ki kynthei. Ha ka Taekwondo ki don 11 ngut ki kynthei bad 9 ngut ki kynthei. Ha ka Wushu ki don 6 ngut ki shynrang bad kynthei iwei.
Ha ka Boxing ki don 7 ngut ki shynrang bad iwei i kynthei. Ha ka Cycling ki don 6 ngut ki shynrang bad iwei i kynthei. Ha ka Arm Wrestling ki don 4 ngut ki shynrang bad 1 kynthei. Hak a Badminton ki don 3 ngut ki shynrang bad 3 ngut ki kynthei. Ha ka Mawpoiñ ki don 8 ngut ki shynrang bad 8 ngut ki kynthei. Ha ka Wapong Sika ki don 4 ngut ki shynrang. Ha ka rah Moo Khrah ki don 5 ngut ki shynrang.
Te kumta kitei ki nongïalehkai kin mih naduh ka district ha ka 13 tarik na ka bynta ban leit sha Tura.
