Chennai, Kyllalyngkot:
Ka Shiv Nadar University Chennai ka la lehkmen ha kaba ïadei bad ka jingjop jong ki khynnah pule ha ka jingïakhun ïa ka Encryptocon Hackathon ba la pynïaid da ka Shaastra, IIT Madras, bad ka Temenos.
Na ki 300 tylli ki kynhun bad 900 ngut ki nongïashim bynta ha ka jingïakhun kaba hapoh 24 kynta, ki la don kumba 7 ngut ki kynhun ba la ïashim bynta jong ka SNU, ha kaba saw ngut ki la wan ha ka kyrdan kaba shakhmat napdeng ki 6 ngut.
Ka kynhun Team Krypton ka kynthup ïa ki khynnah 3rd Year ha Shiv Nadar University Chennai, kine ki kynthup ïa u L Achintya, Adithya Vedhamani, K Lohith Saradhi bad u Vishwa Kumaresh , kine ki la wan ha ka kyrdan kaba nyngkong ha ka Hackathon ha kaba ki la ïohrah nam da ka Macbook Pro.
Ka kynhun Team Krypton ka la khmih bniah ha kaba ïadei bad ka phang ba la tip kum ka “Behavior Analysis of Financial Fraudulent Transactions,” ka phang kaba kongsan eh ha kane ka juk ba pyndonkam da ka Digital ha kaba ki la don kumba 93% of ki kam leh thok ba la ju jia ha ki jingkynshew pisa na ka Online.
Ban pynbna ïa kane, ki khynnah jong ka skulbah SNU Chennai ki la pynbha ïa ka jingpyntreikam da ka Behavioral Analytics SaaS System ha kaba la pyndonkam da ka Machine Learning (ML) na ka bynta ban khanglad ïa ki kam thok pisa.
U Prof. S. K. Bhattacharyya, u Vice Chancellor, bad u Dr. T. Nagarajan, u Head of the Department of Computer Science & Engineering, ki la ai ka jingïaroh ïa kine ki khynnah pule na ka bynta ka jingjop jong ki, ki la pynpaw ïa ka jinglah jong ka skulbah ban kyntiew ïa ka rukom im ha kane ka juk bad ban pyntreikam bha ha kaba ïadei bad ka jingweng noh ïa baroh ki jingeh ba ki khynnah pule ki ju ïakynduh.
