Bahia, K’lyngkot:
Ha kane ka jingjia la ong ba 25 ngut ki la khlad noh bad 6 ngut kiwei pat ki la mynsaw ha ka jingiatyngkhuh hapdeng ka bos rit kaba kit ia ki nongshang kai pyrthei bad kawei pat ka trok ha ka thaiñ Northeast jong ka nongbah Bahia ha Brazil.
Kane ka la jia ha ka por shiteng synñia jong ka Sngi Nyngkong ha ka surok-bah hapdeng jong ka Nova Fatima bad ka Gaviao kaba don ha ka nongbah Bahia jong katei ka ri.
Ia kitei kiba mynsaw baroh la pynkit noh sha ka jakasumar kaba don hajan jong katei ka nongbah.
Ki pulit ka Bahia ki la iathuh ruh ba bun na kitei kiba khlad ki dei hi kiba shong ha katei ka bos rit bad katto katne kiba mynsaw pat dei kiba na katei ka trok kaba ia tyngkhuh mar pyrshah ha katei ka miet.
Hynrei ki bor pyniaid ki dang phah tohkit bniah ia ka daw jong katei ka jing iatyngkhuh la ka long ka jingbakla jong u nongñiah jong kawei na kitei ki kali heh ne ka dei namar ka jingsniew jong ka jaka bad lynti iaid ha kaba kitei ki kali kim lah lait na ka jing iatyngkhuh mar pyrshah.
