Mawkyrwat, K’Lyngkot 11
Ka South West Khasi Hills District Volley Ball Association (SWKHVBA) ka la ai khublei kitbok kitrwiang ïa ka kynhun ki ‘thei bad ki ‘rang ïalehkai volleyball ka ban mihkhmat na katei ka district sha ka 5th Meghalaya Game ka ban sa long ha Tura.
Ïa kane ka jingai khublei kitbok la pynlong ha ka jingïalang kaba lyng -kot ha ka sngi Palei ha kaba la ïadon lang u President u Bah Elevenson Wanñiang ha ryngkat ka jingdonlang ki samla rangbah ka dong ka thaiñ naduh u Bah Edilbert Ïawphniaw, Bah Sherbok Marbaniang, Kong Balut-mon Nongneng (Football Coach), bad kiwei.
U Bah Elevenson haba ai jingkren u la ïathuh ba ka SWKHDVBA jong ka distrik ka la ïoh ban jied 9 ngut ki nongïalehkai na ka bynta ki shynrang bad 9 ngut ki kynthei na ka bynta katei ka lympung ka ban sdang naduh 15 haduh 20 tarik mynta u bnai.
Shuh shuh u Bah Wanñiang u la pynpaw ruh ïa ka jingsngewkmen kaba khraw ïa ka Megha-laya Games Committee kaba la pynrung ïa ka jingïalehkai Volley Ball ha ka sien kaba nyngkong eh ha kane ka lympung. “Ki samla kane ka dong ka thaiñ ki long kiba tbit bad donsap shibun. Te kumta ngi kyrmen skhem ruh ba lyngba ka jingshim khia ka Sorkar ban pynlong ïa kine ki lympung bapher bapher, ki samla donsap napoh ka distrik bad napoh ka Kylla kin sa kiew ha kane ka jingïalehkai haduh ki State bad ki National Level.”
Ïa kane ka jingïalehkai volleyball yn pynlong ha Matcchakolgre LP School naduh 16 haduh 20 tarik mynta u bnai.
