Jaipur, K’lyngkot:
Kum shi bynta ban nang pynphuh pynphieng ïa ka nongbah bad ki ïew ha Jaipur, ka BJP kan sa pynthaba da ki jingshai ban rakhe ïa ka jinglehkmen Diwali ha ka 21 tarik, Kyllalyngkot bad ka 22 tarik, Kyllalyngkot.
Naba don ka jingpyrkhat ha kaba ïadei bad ka jingpynkyntang ïa Ram Temple ha Ayodhya, u Myntri Rangbah jong ka Rajasthan u Bhajan Lal Sharma ha ka sngi Balang u la pyllait ïa ki song jong ki 2,100 tylli ki top umphniang bam, nalor kiwei pat ki jingdonkam, sha katei ka jaka bakhuid na ka bynta ban pyndonkam ha ka sngi ban pynkyntang ïa ka jaka mane blei kaba dang lah shna thymmai ha ka 22 tarik, Kyllalyngkot.
Ka umphniang ba la phah ka long na ka bynta ban pynkhreh ki jingbam bad ki Prasad ha ka jaka shet kaba don ha phyllaw jong kane ka jaka mane blei.
Ha ka jingai jingkren sha ki briew ha kawei na ki prokram ba la buh, u Myntri Rangbah u la pynpaw ka jingsngew sarong haba lah ban nohsynñiang da kine ki jingdonkam na ka bynta ka sngi kaba kyrpang.
Nalor ka umphniang, ki jingai sngewbha ki kynthup ruh ki kymbor na ka bynta ki riewngeit ne ki nongbud jong u Ram, khnang ba kin lait na ka jingdaitthah ha ka por ba ki thiah.
Kumjuh, la ong ba ka jingpynkhreh na ka bynta ka Mahadeepotsav ha Jaipur ka dang ïai bteng, ha ryngkat ka jingïatreilang jong u Pran Pratishtha Mahotsav jong ka Ramlala.
