Ka ai jait kpa kaba la buh da u Blei nongthaw nongpynlong bynriew bad ïa kiei kiei baroh kiba don napoh sla pyrthei bad hapoh duriaw. La jan baroh ki jaitbynriew ha sla pyrthei ki ai jait kpa, kumno ka lah ban long ban ai jait kpa ka long be – aiñ ? Hato ka long be-aiñ tang ha ri Khasi ? ne ha baroh kawei ka pyrthei. Mano ba pynlong be – aiñ ïa ka ai jait kpa bad mano ba pynlong aiñ ïa ka ai jait kmie ? Hato ngin shu hun beit ïa kata ka dustur ka riti ba buh u longshuwa u manshuwa? Hato kane ka aiñ ka lah ban pynïatylli bad pynhun ïa baroh ki kur ha ri Khasi, ban mynjur beit ïa ka jingai jait kmie kaba paka tam ? Kiba bun kiba sngewthuh ki ngeit ba ka ai jait kpa ka long kham bha shibun ban ïa ka ai jait kmie kata ban lait na ka sang ka ma. Kumta ki bor ba dei peit ïa ka dustur ka riti kim dei ban bam jakhluid ban thombor ban pynlong aiñ tang ïa ka ai jait kmie. Da pyrkhat ar sien lai sien shwa ba phin ryngkan sha kane ka ai jait kmie, ioh kan kyrtoh kylla hadien habud ïa kito kiba leh khlem pyrkhat janai bha. Ha ka jingiohi jong-nga ka ai jait kpa kaba shongñia bad kaba kor tam na ka bynta ka lawei ka jaitbynriew ki Khasi – pnar.Hooid ngam beiñ ïa kiba ai jait kmie ne kiba ai jait kpa ruh. Ka dei ka hok jong ki ban rai ym ban teh da ka aiñ.
C. B. Iawphniaw
