Shillong, K’Lyngkot 12
Ka Mawlai SC bad ka Merinda FC ki la khur ïa ka jingjop kaba ar, katba ka Shillong Soccer Scout ka la sdang da ka jingjop kaba nyngkong ha ka Under-16 Boys Football League 2023-24.
Ha kane ka jingïakhun kaba la pynlong ha SSA Stadium, Polo ha ka sngi Thohdieng, ka Mawlai ka la pynliem noh ïa ka Umpling SC da 6-0 kol ha ka Group-B na ka bynta ban khur 6 point ha ki ar sien ïakhun. U Pynphyrnai Kharmujai (5 & 49) u la ïoh ban thep ar kol, katba ïa ki shi kol la thep da u Ïaisan Dohling (7), Medon-banshan Mylliemngap (30), Batista Langstieh (39) bad u Manbha Nongkhlaw (54).
Ha ka jingïakhun jong ka Group-A, ka Merinda FC ka la jop da 4-0 kol ïa ka Mawpat SC na ka bynta ban kamai 6 point ha ki ar sien ïakhun. Ïa kine la thep Bestius Nongbsap (33), Kevin kharbuki (38), bad u Nangkiew Kupar Kurkalang (45 & 56).
Haba phai sha kawei pat ka jingïakhun jong kane ka group, ka Shillong Soccer Scout ka la jop da 5-0 kol ïa ka Ïaitylli SC da 5-0 kol. Ïa kine la thep da u Leonel Lyngdoh (18), Kevin B Swer (20 & 32) bad u Sholinstar Synki (42 & 55).
