Kohima, K’lyngkot:
Ki shipai ka tnat Assam Rifles ha ka 9 tarik, Kyllalyngkot, ki la pynlong ïa ka jingïalang bad pynlong ruh ïa ka jingïalap paidbah bad ki riewrangbah jong ka shnong bad ki dkhot jong ka kynhun nongpynïaid shnong hajan ki shnong kiba don ha Tobu, ha Mon distrik jong ka Nagaland.
Ka jingïalang kaba kynthup ïa ki Gaon Burah (ki heh nongpynïaid shnong), ki shongknor jong ka kynhun nongpynïaid shnong ka shnong bad ki nongpahara shnong, ha kaba la ban jur ba la dei ban pynkhlaiñ ïa ki jingpyntreikam ban buh jingshngaiñ ïa ki shnong kiba don ha ka bynta khappud Indo-Myanmar.
Kane ka jingïalang ka long shi bynta jong ka jingïakren ki kynhun ba bun jong ki shipai ka tnat Assam Rifles, kumba ka la long ha ka 8 tarik, Kyllalyngkot ha Changlangshu, kaba hap hapoh Mon distrik. Kine ki jingïalang ba la pynlong ki don jingthmu ban kyntu ïa ki bor pynïaid shnong ba kin shim ka jingkitkhlieh ha ka ban lah ban pynkhlaiñ ïa ki bor pahara ha ki bynta jong ki shnong bad ban leh ruh ïa ki kam ban ai jingïada bad ban wanrah jingshngaiñ ha ki shnong kiba don ha ki bynta khappud.
