Nongstoiñ, K’Lyngkot 12
Ka kynhun ïalehkai na Nagaland, ka Langmai SA ka la wan poi ha sor Nongstoiñ ban ïakhun pyrshah ïa ka Ri Bhoi United FC ha ka lympung ïalehkai Invitation Knockout Football Tournament 2023-24 ha ka sngi Saitjaiñ ha madan New Nongstoiñ.
Na ka liang ka New Nongstoiñ Sports Social & Cultural Club ka la pyntip ba katei ka jingïakhun hapdeng kitei ar tylli ki kynhun ka dei ka jingïalehkai quarter final kaba nyngkong jong kane lympung bad ka por ban ïalehkai kan long ha ka por 1:30 mynsngi.
Shuh shuh la ïohi ruh ba kum ka jingpynkhreh ïa katei ka jingïakhun ki rangïalehkai jong ka Langmai SA ki la leit ruh ban kilan met ha madan jong ka New Nongstoiñ.
