Taipei, K’lyngkot:
Katkum ki khubor, la ong da ki Million ngut ki nongshong shnong ka Taiwan ha ka Sngi Saitjaiñ, ki la mih shakhmat ban leit thep vote wat hapdeng ka jingbyrngem jong ka China ba lada ki paidbah ki jied ia u nong-ialam uba bakla, katei ka ri dew lynnong kan shah hiar thma shi syndon.
Namar ka China ka la ong ruh ba u Lai Ching-te uba long u Vice-President ba mynta, ba u long u nongïaleh pyrshah ba radbah jong ka China bad kumta ruh ka China ka la maham ia ki paidbah ka Taiwan ba ki dei ban da jied janai bad pyrkhat sani bha shuwa ba kin ai ia ka jingkyrshan bad ka jingjied jong ki namar lada ki la kum leit jied bakla ia u nong-ialam u bym dei, ka China kan nym pyllait ia ka Taiwan bad kan hiar thma kumba ka la dep maham baroh shi katta.
