Shillong, K’Lyngkot 14
Ka Nongrim Hills Sports Club ka la khur ïa ka jingjop ha ka lympung First Division Football League 2023-2024 kaba la pynlong da ka Shillong Sports Association (SSA) ha ka sngi Saitjaiñ ha madan Polo.
Haba phai sha ka jingïalehkai jong kane ka lympung, kaba la long ha madan SSA, Polo, ka jingïakhun ka la long kaba itynnad bad kaba ïakhaid bha, ha kaba ha ka kylla step ym shym la don kiba ïoh pynkhih jar, watla ki la ïoh katto katne ki kabu ksiar.
Haba bteng ïa ka kylla miet, katba ka jingïakhun ka dang ïaid, la i kumba kan poi sha ka jingïakhaid hynrei dei tad ha ka minit kaba 88 jong ka jingïalehkai, ba u Suponglemba Khongwir u la ïoh ban khyrwit ïa ka shi kol kaba la biang pura ïa ka Nongrim Hills ban khur ka jingjop bad ki 3 point pura.
