Kum ki briew ba la thaw kyrpang da u Blei, ngi dei ban don ka mynsiem ïa ieit bad ïarap lem para briew. Ngim dei ban don ka jingsngewpher jaitbynriew bad ka jingsngewpher niam para briew. Ngi dei ban ïa ieit markylliang khlem jingsngewpher ïa kano kano ka jingngeit ne sngewpher jait kynja dustur bad riti namar baroh ki dustur ki riti bapher bapher la buh beit da u Blei nongthaw nongpynlong ïa ngi ki briew ban im ha kane ka pyrthei.
Khlem ki dustur ki riti bad ka jingngeit kano kano kaba kongsan tam ïa ngi ba ngi dei ban ieit ïa ki para briew, ïa ki kmie ki kpa, ki hynmen ki para ki Meikha Pakha bad ki lok ki jor. Ngi dei ban don ka mynsiem pdiang da jingkmen khlem ka bishni ka pihuin ïano ïano ruh. Lada ngim burom ïalade, ïa ka ïing ka sem kumno keiñ ngin burom ïa kiwei. Ka jingieit ka sdang na la ïing na la sem bad na Rympei i pa i Mei. Ka jingieit para briew ka wanrah ka jingsuk jingsaiñ hapdeng ki jaitbynriew ha satlak ka pyrthei. Ngi dei ban ieit ïa ka kur ka jait, ïa ka shnong ka thaw bad ïa ka jaitbynriew. Lada ngim don jingieit ïa la ka dustur ka riti tynrai, ka ktien ka thylliej kata ngim pher na uta u ïNGKHONGSHALANGMAT. KANE KA LONG KA JINGAI KHUBLEI SNEM THYMMAI BASUK BA SAIñ BAD BA DAP KYRHAI ïA BAROH.
C. B. Iawphniaw
