Nongstoiñ, K’Lyngkot 14
Ka Ri Bhoi United Football Club ka la ïoh ban khur ïa ka jingjop ha ka jingïalehkai quarter-final kaba nyng-kong jong ka lympung ïalehkai ba la tip kum ka Invitation Knockout Football Tournament ba la pynlong da ka New Nongstoiñ Sport Social Cultural Club (NNSSCC).
Ka nam tam jong ka Ri Bhoi United FC ka la wan hadien ba ka la lah ban pynliem noh ïa ka Langmai SA da 2-1 kol ha ka jingïalehkai pyrshah kaba la long ha ka sngi Saitjaiñ ka taïew ha madan New Nongstoiñ.
Shuh shuh, ka jingjop jong ka Ri Bhoi kala long ruh lyngba ki kol ïa kaba la ïoh ban thep da u Carlos Chalam ha ka minit kaba 68 bad u Brolington Warlarpih ha ka minit kaba 95 katba ïa ka shi kol jong ka Langmai SA la ïoh ban thep da u Kenumdi ha ka minit kaba 57.
Lyngba kane ka jingjop, ka Ri Bhoi United kala ïoh ban bsuh khlieh ïalade sha ka semi final jong katei ka lympung. Ha katei ka jingïalehkai, ïa ka nam ‘Man of the Match’ la ïoh ban khur da u Carlos Chalam na ka Ri Bhoi United.
