Shillong, K’Lyngkot 14
Ki jingïalehkai jong ka lympung Under-16 Boys Football League 2023-24 ba la pynïaid da ka Shillong Sports Association (SSA) kin bteng biang lashai ka sngi ka 15 tarik ha madan Polo naduh ka por 9.30 mynstep.
Ha kane ka sngi kin don haduh saw tylli ki jingïakhun, kata ha ka por 9.30 mynstep, ka jingïakhun ba nyngkong kan long hapdeng ka Upper Shillong Colt pyrshah ïa ka Merinda Football Club ha madan 1st Ground SSA Stadium, Polo.
Ka jingïakhun kaba ar kan long ha ka por 11 baje mynstep ha SSA Stadium, hapdeng ka Lumshyiap Sports Club pyrshah ïa ka Mawreng Sports Club bad ha ka por 12.30 mynsngi, ka Lah Bet Sports Club pyrshah ïa ka Mawpat Sports Club bad ha ka por 2 baje nohphai sngi, ka PFR Football Academy pyrshah ïa ka Umphyrnai Sports Club.
