Tura, K’Lyngkot 16
Ka East Khasi Hills ka la long ka district kaba la ïoh lamkhmat ha kaba sdang ïa ka jingïakop jngi jong ka 5th Meghalaya Games 2024 kaba la long ha Rongkhon Swimming Pool, Tura hadien ba ka la khur haduh 9 tylli ki takma ksiar.
Ka South West Khasi Hills District ka la wan ba-ar da kaba khur kawei ka takma ksiar, ka East Jaiñtia Hills District ka la khur kawei ka takma rupa, katba kiwei pat ki district kim pat shym la lah ban khur takma ha ka sngi Ba-ar.
Nalor kitei ki takma ksiar, ka East Khasi Hills District ka la khur ruh 6 tylli ki takma rupa lem bad shiphew tylli ki takma rnong. Kumjuh ka South West Khasi Hills District ka la khur ruh ïa 3 tylli ki takma rupa.
Kitei ki takma ksiar ba la ïoh ban khur da ki nongïalehkai jong kitei ki district ba la kdew haneng ka la wan lyngba ki jingïakop jngi jong ka Freestyle 100m, Breast Stroke 100m, Butterfly Stroke 100m, Free Style Relay, Mix Freestyle Relay (4×50).
