Guwahati, K’lyngkot:
Ha ka jingpyntreikam ba la pynlong ha ka 14 tarik, Kyllalyngkot, ki shipai ka tnat Border Security Force (BSF) jong ka Guwahati Frontier da ka jingjop kaba khraw ki la ïoh ban kurup ïa ka shini ba bun ba la khaïi beaiñ ha ki bynta khappud Indo-Bangladesh.
Ka kynhun 45th Battalion BSF ka la pynlong ïa ka jingleit khynra da ka lieng ha ki bynta jong ka wah Brahmaputra hajan Sukhchar – Khagrachar Riverine Channel ha ka thaiñ PS-Sukhchar, Distt- South Salamara Mankachar (Assam).
Kane ka jingpyntreikam ka la long ka jubab sha ka kynhun tohkit kaba la don bynta ban wad bniah halor ki kam khaïi tuh bad ka kynhun shipai BSF ka la lah ban khanglad ïa kine ki kam beaiñ.
Ka la don baroh kumba 6400 kilo ka shini, ha kaba la antad ba ka la kot sha ka T. 2.56 lak, ba la shah kurup, ha kaba la lah ban khanglad na ka bynta ka jingshalan tuh ïa ka na India sha Bangladesh.
Ïa kine ki mar ba la ïoh ban kurup la aiti sha ka Customs Office kaba don marjan bad katei ka jaka.
Kane ka jingpyntreikam ym tangba ka ïada na ka jingduhnong hynrei ka ïarap ruh ha ka ban pyntroiñ ïa ka kynhun kaba don bynta kum ha kine ki kam beaiñ.
Ka kynhun jong ki shipai BSF ka dang bteng ban pynlong ïa ka jingleit khynra ha ki bynta khappud khnang ban khanglad ïa ki kam beaiñ.
