Jowai, K’Lyngkot 16
Ka PSA bad FAM ki la jam sha ka semi final ha ka lympung ïalehkai ki khynnah Under-13 Republic Day Cup Football Tournament 2024 ba la pynïaid da ka West Jaiñtia District Sports Association (WJDSA).
Kane ka la wan hadien ba ka la lah ban pynliem noh ïa ka Panaliar da 3-1 kol, katba ka FAM ka la pynliem ïa ka Kseh Sylle Ïalong da 2-0 kol ha ka jingïalehkai quarter final kaba la long ha madan Kiang Nangbah Stadium Ladthadlboh, Jowai ha ka sngi Ba-ar.
Ïa ki kol jong ka PSA la thep da u Chanmiki Myrchiang ha ka minit kaba 2 & 41 bad u Aiborlang Mulieh ha ka minit kaba 51. Katba ka shi kol jong ka Panaliar la thep da u Sawa o Phira ha ka minit kaba 16.
Ïa ki kol jong ka FAM la thep da u Dachanmitre Dkhar ha ka minit kaba 18 bad u Felixson Suting (54).
