Chandigarh, K’lyngkot:
U Myntri Rangbah jong ka Punjab u Bhagwant Mann u la ïohpdiang ïa jingbyrngem shah pynïap na u lehnoh Khalistan u Gurpatwant Singh Pannun, la ïathuh ka tyllong khubor.
Kumba la ïathuh ka tyllong khubor la ong ba u Pannun uba dei u nongshong shnong jong ka America bad Canada kumba la pynshisha da ka United States la ong ba u la thmu ban leh ïa ka kam pynïap briew da ka jingthmu u Nikhil Gupta, uba dei u nongshong shnong jong ka India u la bthah ïa ki runar ba kin thombor ïa u Mann ha ka 26 tarik, Kyllalyngkot kaba dei sngi rakhe ïa ka Republic Day.
U heh pulit jong ka Punjab u Gaurav Yadav u la bthah ïa ki pulit ka jylla ba ki la dei ban pynkhlaiñ ïa ka jingpahara bad ban ïakhun pyrshah ïa ki runar bad ba dei ban pyntreikam pyrkhing bha pyrshah ïa kito kiba thmu ban pynïap ïa u Mann.
Ha u bnai Lber, ka Seerat Kaur kaba dei ka khun jong u Mann na ka lok banyngkong ka la ïoh pdiang ïa kum kane ka jingshah byrngem.
Ka Kaur, ba shong basah ha US, ka la ïoh ïa ka khubor pyntriem ha ka por ba ka la don ka jingshah thwet jong uwei pat u lehnoh Khalistan u Amritpal Singh.
Katkum ka jingïoh-pdiang ïa ka tyllong khubor kaba la long ha ka taïew ba la lah, u Pannun u la byrngem ruh ban leh ïa ki kam thombor ha ka sngi ban pynkyntang ïa ka Ram Temple ha Ayodhya kaba don ha Uttar Pradesh.
U Pannun u la byrngem ruh ban thombor pyrshah ïa ka ïing Parliament kaba thymmai ha Delhi.
